எம்.ஜி.ஆர் சமாதியில் இரட்டை இலை அன்றும் இன்றும்

எம்.ஜி.ஆர் சமாதியில் இரட்டை இலை

எம்.ஜி.ஆர் சமாதியில் இரட்டை இலை

இரட்டை இலை –

எம்.ஜி.ஆர் என்ற மூன்றெழுத்து மந்தரத்தின் முகவரி இரட்டை இலை. V for Victory என்று வெளிநாடுகளில் வாழும் தலைவர்கள் இருவிரல்களை காண்மித்து தங்களின் மகிழ்ச்சியை தெரிவிப்பார்கள். தமிழ்நாட்டினை பொறுத்தவரை இரட்டை விரல்கள் இரட்டை இலையாத்தான் குறிக்கும். எம்.ஜி.ஆருக்கு சாகும் வரை வெற்றி வெற்றி என வெற்றியின் சின்னமாக இருந்த இரட்டை இலையின் வரலாறு உங்களுக்கு தெரியுமா?.

இரட்டை இலை அதிமுக சின்னமாகிய வரலாறு –

எம்.ஜி.ஆர் அ.தி.மு.க என்ற கட்சியை தொடங்கிய ஒருவருட காலத்திற்குள்ளாகவே காலங்களிலேயே திண்டுக்கல் தொகுதியில் பாராளுமன்ற இடைத்தேர்தல் வந்தது. திராவிட முன்னேற்ற கழகத்திலிருந்து பிரிந்துவந்த எம்.ஜி.ஆருக்கு தன்னுடைய வலிமையையும், மக்கள் செல்வாக்கினையும் காட்டியாக வேண்டிய காலக்கட்டம். அதிமுக என்ற குழந்தையை முதலில் சந்திக்கப் போகும் தேர்தல் என்பதால் ஊடகங்களும், மக்களும், அரசியல் தலைவர்களும் மிகுந்த எதிர்பார்ப்போடு இருந்தார்கள். திரையுலகில் இருந்து வந்தாலும் அரசியலில் சாதியின் வலிமையை எம்.ஜி.ஆர் உணர்ந்திருந்தார். திண்டுக்கல் தொகுதியில் யாரை வேட்பாளராக நிறுத்தினாலும் ஜெயித்துவிடலாம் என்ற நிலையிருந்தும். திண்டுகலில் அதிகம் வசித்த தேவர் சாதியில் மாயாண்டித் தேவர் (மாயத்தேவர்) என்ற வழக்கறிஞரை வேட்பாளராக தேர்வு செய்தார்.

அதிமுகவின் முதல் வேட்பாரளான மாயத்தேவர் தேர்தலுக்கு சின்னங்களை தேர்ந்தெடுக்க வேண்டி வந்தது. டிஜிட்டல் பேனர்களோ, தொலைக்காட்சிகளோ, போஸ்டர்களோ புழக்கம் இல்லாத காலத்தில் மதிநுட்பம் வாய்ந்த தேவர் தேர்ந்தெடுத்துதான் இரட்டை இலை சின்னம். தேவர் சிந்தனை செய்தது சுவர் விளம்பரங்களுக்கு ஏற்ற எளிமையான சின்னம் வேண்டும் என்பதையும், மக்களுக்கு எளிதில் நினைவில் நிற்கும் வகையான சின்னம் வேண்டும் என்பதுதான். எம்.ஜி.ஆர் ஆலோசனையும், தலையீடலும் இன்றி கட்சியின் வேட்பாளர் தேர்ந்தெடுத்த சின்னத்தை எம்.ஜி.ஆர் ஏற்றுக் கொண்டார் என்றால் அதல் தேவரின் சிந்தனையும், எம்.ஜி.ஆரின் பெருந்தன்மையும் இருக்கிறது.

எம்.ஜி.ஆர் சமாதியில் இரட்டை இலை –

அன்று –

நமது எம்.ஜி.ஆர் மறைந்த பிறகு, அவருடைய உடல் பெரும் மக்கள் வெள்ளத்திற்கு காட்சிக்கு வைக்கப்பட்டு இறுதியாக அறிஞர் அண்ணாவின் சமாதிக்கு அருகிலேயே புதைக்கப்பட்டது. அவ்விடம் 24-12-1987-ல் அரசுடைமையாகப்பட்டது. அன்றைய தேதியிலிருந்து படிப்படியாக செதுக்கப்பட்டு 24-12-1992 அன்று மக்களிடம் ஒப்படைக்கப்பட்டது. 33,371 சதுர கிலோமீட்டர் பரப்பளவு கொண்ட நினைவிடமானது, அழகிய கட்டிட வடிவமைப்புகளால் ஆனது. எம்.ஜி.ஆர் சமாதியை சுற்றி தாமரை இதழ்கள் விரிந்தது போல அமைப்பு, அருகிலேயே நடுநாயகமான நினைவுத்தூண், அங்கு செல்லும் இருவழிப் பாதையில் நான்குதூண் மண்டபங்கள், முன்பக்கத்தில் எம்.ஜி.ஆரின் மார்பளவு சிலை என்று அமைந்துள்ளது. மக்களால் பெரிதும் விரும்ப பட்ட இரு கரங்களை கூப்பியது போல இருக்கும் வரவேற்பு வளைவு சற்று அதியமானது. கூர்ந்து நோக்கும் போது அது இரட்டை இலை சின்னம் தலைகீழாக இருப்பது தெரியும்.

இன்று –

mgr death

சமாதி கட்டப்பட்டு பல ஆண்டுகள் ஆனதாலும், அதனை மாறி மாறி வரும் கழக ஆட்சியாளர்கள் கண்டுகொள்ளததாலும் சமாதியின் நிலை மோசமாக இருந்தது. டாக்டர் எம்.ஜி.ஆர் மீயூசியம் என்ற பெயரில் சமாதிக்குள்ளேயே எம்.ஜி.ஆர் பயன்படுத்திய பொருள்களும், அவருடைய சமகாலத்தில் வாழ்ந்தவர்களுடன் எடுத்த புகைப்படங்களும் காட்சிக்கு வைக்கப்பட்டிருந்தன. இரண்டு வருடங்களுக்கு முன்பு அங்கு சென்ற போது, எம்.ஜி.ஆரின் மீயூசியத்திற்குள் சரிவர வெளிச்சம் இல்லை. அங்கிருந்த புகைப்படங்களுக்கு கீழே அடிக்குறிப்புகளும் இல்லை. ஏதோ கடமைக்கென்று கட்டப்பட்டதாகவும், கட்டப்பட்டதால் பெயருக்கு பராமரிக்கப்படுவதாகவும் தெரிந்தது. இடையே அதிமுக ஆட்சி மாற்றம் ஏற்ப்பட்டதும், எம்.ஜி.ஆர் சமாதியை புதுப்பிக்க சில கோடிகள் ஒதுக்கப்பட்டதை கேட்டு மகிழ்வு பிறந்தது.

புதுப்பிக்கப்பட்ட எம்.ஜி.ஆர் சமாதியை எம்.ஜி.ஆரின் நினைவு நாளான டிசம்பர் 24ம் தேதி, ஜெயலலிதா திறந்து வைப்பார் என்று நண்பர்கள் பேசிக்கொண்டார்கள். நானும் அதையேத்தான் எதிர்ப்பார்த்தேன். ஆனால் எப்போதும் நினைவுநாளில் மலர்வளையம் வைத்து வணங்கி செல்ல ஏகப்பட்ட மக்களும், தொண்டர்களும், அரசியல் கட்சியினரும் வருவார்கள் என்பதால், 10-12-2012 அன்றே முதல்வர் ஜெயலலிதா புதுப்பிக்கப்பட்ட எம்.ஜி.ஆர் சமாதியை திறந்து வைத்துவிட்டார்.  முகப்பில் தலைகீழாக நின்று துக்கம் அனுசரித்துக் கொண்டிருந்த இரட்டை இலை சின்னம் இப்போது கம்பீரமாக நிற்கிறது. அருகே பறக்கும் குதிரையொன்று இரண்டுகால்களை தூக்கி வானத்தில் பறக்க தயாராக இருக்கிறது. இருந்தும் இரட்டை இலை சின்னம் குறித்து பலருக்கும் பலவித அபிமானங்கள் இருக்கலாம்.

எனக்கென்னவோ, பழைய இரட்டை இலை சின்னமே அதீதமாக பிடிக்கிறது. மிகவும் அழகாக இருந்த முகப்பு இப்போது இல்லை. மீண்டும் அதே அமைப்பு வேண்டும் அடமெல்லாம் செய்ய இயலாது. ஆட்சியாளர்கள் கைகளில் ஆண்டவர்களின் இடங்கள் படாதபாடு படுவதை நம்மால் வேடிக்கைதான் பார்க்க இயலுகிறது. கோடிகள் செலவழித்து செய்துள்ளதை படங்களைப் பார்த்து முடிவெடுக்க இயலவில்லை. டாக்டர் எம்.ஜி.ஆர் மீயூசியத்துற்குள் என்ன மாற்றம் நடந்துள்ளதை என்பதையெல்லாம் நேரில் சென்று பார்த்த பிறகு இங்கு பதிக்கிறேன். நன்றி.